ഓം പൂര്ണമദഃ പൂര്ണമിദം പൂര്ണാത്പൂര്ണമുദച്യതേ |
പൂര്ണസ്യ പൂര്ണമാദായ പൂര്ണമേവാവശിഷ്യതേ ||
ഓം ശാന്തിഃ ശാന്തിഃ ശാന്തിഃ ||
ഓം ഈശാ വാസ്യ’മിദഗ്‍മ് സര്വം യത്കിംച ജഗ’ത്വാം ജഗ’ത് |
തേന’ ത്യക്തേന’ ഭുംജീഥാ മാ ഗൃ’ധഃ കസ്യ’സ്വിദ്ധനമ്’ || 1 ||
കുര്വന്നേവേഹ കര്മാ’ണി ജിജീവിഷേച്ചതഗ്‍മ് സമാ’ഃ |
ഏവം ത്വയി നാന്യഥേതോ’உസ്തി ന കര്മ’ ലിപ്യതേ’ നരേ’ || 2 ||
അസുര്യാ നാമ തേ ലോകാ അംധേന തമസാஉஉവൃ’താഃ |
താഗ്ംസ്തേ പ്രേത്യാഭിഗ’ച്ഛംതി യേ കേ ചാ’ത്മഹനോ ജനാ’ഃ || 3 ||
അനേ’ജദേകം മന’സോ ജവീ’യോ നൈന’ദ്ദേവാ ആ’പ്നുവന്പൂര്വമര്ഷ’ത് |
തദ്ധാവ’തോஉന്യാനത്യേ’തി തിഷ്ഠത്തസ്മിന്’നപോ മാ’തരിശ്വാ’ ദധാതി || 4 ||
തദേ’ജതി തന്നേജ’തി തദ്ദൂരേ തദ്വം’തികേ |
തദംതര’സ്യ സര്വ’സ്യ തദു സര്വ’സ്യാസ്യ ബാഹ്യതഃ || 5 ||
യസ്തു സര്വാ’ണി ഭൂതാന്യാത്മന്യേവാനുപശ്യ’തി |
സര്വഭൂതേഷു’ ചാത്മാനം തതോ ന വിഹു’ഗുപ്സതേ || 6 ||
യസ്മിന്സര്വാ’ണി ഭൂതാന്യാത്മൈവാഭൂ’ദ്വിജാനതഃ |
തത്ര കോ മോഹഃ കഃ ശോകഃ’ ഏകത്വമ’നുപശ്യ’തഃ || 7 ||
സ പര്യ’ഗാച്ചുക്രമ’കായമ’പ്രണമ’സ്നാവിരഗ്‍മ് ശുദ്ധമപാ’പവിദ്ധമ് |
കവിര്മ’നീഷീ പ’രിഭൂഃ സ്വ’യംഭൂ-ര്യാ’ഥാതഥ്യതോஉര്ഥാന്
വ്യ’ദധാച്ഛാശ്വതീഭ്യഃ സമാ’ഭ്യഃ || 8 ||
അംധം തമഃ പ്രവി’ശംതി യേஉവി’ദ്യാമുപാസ’തേ |
തതോ ഭൂയ’ ഇവ തേ തമോ യ ഉ’ വിദ്യായാ’ഗ്‍മ് രതാഃ || 9 ||
അന്യദേവായുരിദ്യയാஉന്യദാ’ഹുരവി’ദ്യയാ |
ഇതി’ ശുശുമ ധീരാ’ണാം യേ നസ്തദ്വി’ചചക്ഷിരേ || 10 ||
വിദ്യാം ചാവി’ദ്യാം ച യസ്തദ്വേദോഭയ’ഗ്‍മ് സഹ |
അവി’ദ്യയാ മൃത്യും തീര്ത്വാ വിദ്യയാஉമൃത’മശ്നുതേ || 11 ||
അംധം തമഃ പ്രവി’ശംതി യേஉസമ്’ഭൂതിമുപാസ’തേ |
തതോ ഭൂയ’ ഇവ തേ തമോ യ ഉ സംഭൂ’ത്യാഗ്‍മ് രതാഃ || 12 ||
അന്യദേവാഹുഃ സമ്’ഭവാദന്യദാ’ഹുരസമ്’ഭവാത് |
ഇതി’ ശുശ്രുമ ധീരാ’ണാം യേ നസ്തദ്വി’ചചക്ഷിരേ || 13 ||
സമ്ഭൂ’തിം ച വിണാശം ച യസ്തദ്വേദോഭയ’ഗ്‍മ് സഹ |
വിനാശേന’ മൃത്യും തീര്ത്വാ സമ്ഭൂ’ത്യാஉമൃത’മശ്നുതേ || 14 ||
ഹിരണ്മയേ’ന പാത്രേ’ണ സത്യസ്യാപി’ഹിതം മുഖമ്’ |
തത്വം പൂ’ഷന്നപാവൃ’ണു സത്യധ’ര്മായ ദൃഷ്ടയേ’ || 15 ||
പൂഷ’ന്നേകര്ഷേ യമ സൂര്യ പ്രാജാ’പത്യ വ്യൂ’ഹ രശ്മീന്
സമൂ’ഹ തേജോ യത്തേ’ രൂപം കല്യാ’ണതമം തത്തേ’ പശ്യാമി |
യോஉസാവസൗ പുരു’ഷഃ സോஉഹമ’സ്മി || 16 ||
വായുരനി’ലമമൃതമഥേദം ഭസ്മാ’ന്തഗ്ം ശരീ’രമ് |
ഓം 3 ക്രതോ സ്മര’ കൃതഗ്‍മ് സ്മ’ര ക്രതോ സ്മര’ കൃതഗ്‍മ് സ്മ’ര || 17 ||
അഗ്നേ നയ’ സുപഥാ’ രായേ അസ്മാന് വിശ്വാ’നി ദേവ വയനാ’നി വിദ്വാന് |
യുയോധ്യസ്മജ്ജു’ഹുരാണമേനോ ഭൂയി’ഷ്ടാം തേ നമ’ഉക്തിം വിധേമ || 18 ||
ഓം പൂര്ണമദഃ പൂര്ണമിദം പൂര്ണാത്പൂര്ണമുദച്യതേ |
പൂര്ണസ്യ പൂര്ണമാദായ പൂര്ണമേവാവശിഷ്യതേ ||
ഓം ശാന്തിഃ ശാന്തിഃ ശാന്തിഃ ||