Author: Markandeya
asya sapta sateemadhyama charitrasya viShNur RuShiH | uShNik CaMdaH | SreemahaalakShmeedEvataa| SaakaMbharee SaktiH | durgaa beejam | vaayustattvam | yajurvEdaH svaroopam | Sree mahaalakShmeepreetyarthE madhyama caritra japE viniyOgaH ||
dhyaanaM
OM akShasrakparaSuM gadEShukuliSaM padmaM dhanuH kuNDikaaM
daNDaM SaktimasiM ca carma jalajaM ghaNTaaM suraabhaajanam |
SoolaM paaSasudarSanE ca dadhateeM hastaiH pravaaLa prabhaaM
sEvE sairibhamardineemiha mahalakShmeeM sarOjasthitaam ||
RuShiruvaaca ||1||
dEvaasuramabhoodyuddhaM poorNamabdaSataM puraa|
mahiShEsuraaNaam adhipE dEvaanaaMca purandarE
tatraasurairmahaaveeryirdEvasainyaM paraajitaM|
jitvaa ca sakalaan dEvaan indrObhoonmahiShaasuraH ||3||
tataH paraajitaa dEvaaH padmayOniM prajaapatim|
puraskRutyagataastatra yatrESa garuDadhvajau ||4||
yathaavRuttaM tayOstadvan mahiShaasuracEShTitam|
tridaSaaH kathayaamaasurdEvaabhibhavavistaram ||5||
sooryEndraagnyanilEndoonaaM yamasya varuNasya ca
anyEShaaM caadhikaaraansa svayamEvaadhitiShTati ||6||
svargaanniraakRutaaH sarvE tEna dEva gaNaa bhuviH|
vicaranti yathaa martyaa mahiShENa duraatmanaa ||6||
EtadvaH kathitaM sarvam amaraarivicEShTitam|
SaraNaM vaH prapannaaH smO vadhastasya vicintyataam ||8||
itthaM niSamya dEvaanaaM vacaaMsi madhusoodhanaH
cakaara kOpaM SambhuSca bhrukuTeekuTilaananau ||9||
tatOtikOpapoorNasya cakriNO vadanaattataH|
niScakraama mahattEjO brahmaNaH Sankarasya ca ||10||
anyEShaaM caiva dEvaanaaM SakraadeenaaM SareerataH|
nirgataM sumahattEjaH staccaikyaM samagacCata ||11||
ateeva tEjasaH kooTaM jvalantamiva parvatam|
dadRuSustE suraastatra jvaalaavyaaptadigantaram ||12||
atulaM tatra tattEjaH sarvadEva Sareerajam|
EkasthaM tadabhoonnaaree vyaaptalOkatrayaM tviShaa ||13||
yadabhoocCaambhavaM tEjaH stEnaajaayata tanmukham|
yaamyEna caabhavan kESaa baahavO viShNutEjasaa ||14||
saumyEna stanayOryugmaM madhyaM caiMdrENa caabhavat|
vaaruNEna ca jaMghOroo nitambastEjasaa bhuvaH ||15||
brahmaNastEjasaa paadau tadanguLyOrka tEjasaa|
vasoonaaM ca karaanguLyaH kaubErENa ca naasikaa ||16||
tasyaastu dantaaH sambhootaa praajaapatyEna tEjasaa
nayanatritayaM jagnyE tathaa paavakatEjasaa ||17||
bhruvau ca sandhyayOstEjaH SravaNaavanilasya ca
anyEShaaM caiva dEvaanaaM sambhavastEjasaaM Siva ||18||
tataH samasta dEvaanaaM tEjOraaSisamudbhavaam|
taaM vilOkya mudaM praapuH amaraa mahiShaarditaaH ||19||
SoolaM SoolaadviniShkRuShya dadau tasyai pinaakadhRuk|
cakraM ca dattavaan kRuShNaH samutpaaTya svacakrataH ||20||
SankhaM ca varuNaH SaktiM dadau tasyai hutaaSanaH
maarutO dattavaaMScaapaM baaNapoorNE tathEShudhee ||21||
vajramindraH samutpaaTya kuliSaadamaraadhipaH|
dadau tasyai sahasraakShO ghaNTaamairaavataadgajaat ||22||
kaaladaNDaadyamO daNDaM paaSaM caambupatirdadau|
prajaapatiScaakShamaalaaM dadau brahmaa kamaNDalaM ||23||
samastarOmakoopEShu nija raSmeen divaakaraH
kaalaSca dattavaan khaDgaM tasyaaH Scarma ca nirmalam ||24||
kSheerOdaScaamalaM haaram ajarE ca tathaambarE
cooDaamaNiM tathaadivyaM kuNDalE kaTakaanica ||25||
ardhacandraM tadhaa SubhraM kEyooraan sarva baahuShu
noopurau vimalau tadva dgraivEyakamanuttamam ||26||
anguLeeyakaratnaani samastaasvanguLeeShu ca
viSva karmaa dadau tasyai paraSuM caati nirmalaM ||27||
astraaNyanEkaroopaaNi tathaabhEdyaM ca daMSanam|
amlaana pankajaaM maalaaM Sirasyu rasi caaparaam||28||
adadajjaladhistasyai pankajaM caatiSObhanam|
himavaan vaahanaM siMhaM ratnaani vividhaanica ||29||
dadaavaSoonyaM surayaa paanapaatraM danaadhipaH|
SEShaSca sarva naagESO mahaamaNi vibhooShitam ||30||
naagahaaraM dadou tasyai dhattE yaH pRuthiveemimaam|
anyairapi surairdEvee bhooShaNaiH aayudhaistathaaH ||31||
sammaanitaa nanaadOccaiH saaTTahaasaM muhurmuhu|
tasyaanaadEna ghOrENa kRutsna maapooritaM nabhaH ||32||
amaayataatimahataa pratiSabdO mahaanabhoot|
cukShubhuH sakalaalOkaaH samudraaSca cakampirE ||33||
cacaala vasudhaa cEluH sakalaaSca maheedharaaH|
jayEti dEvaaSca mudaa taamoocuH siMhavaahineem ||34||
tuShTuvurmunayaScainaaM bhaktinamraatmamoortayaH|
dRuShTvaa samastaM saMkShubdhaM trailOkyam amaraarayaH ||35||
sannaddhaakhilasainyaastE samuttasthurudaayudaaH|
aaH kimEtaditi krOdhaadaabhaaShya mahiShaasuraH ||36||
abhyadhaavata taM Sabdam aSEShairasurairvRutaH|
sa dadarSha tatO dEveeM vyaaptalOkatrayaaM tviShaa ||37||
paadaakraantyaa natabhuvaM kireeTOllikhitaambaraam|
kShObhitaaSEShapaataaLaaM dhanurjyaaniHsvanEna taam ||38||
diSO bhujasahasrENa samantaadvyaapya saMsthitaam|
tataH pravavRutE yuddhaM tayaa dEvyaa suradviShaaM ||39||
Sastraastrairbhahudhaa muktairaadeepitadigantaram|
mahiShaasurasEnaaneeScikShuraakhyO mahaasuraH ||40||
yuyudhE camaraScaanyaiScaturangabalaanvitaH|
rathaanaamayutaiH ShaDbhiH rudagraakhyO mahaasuraH ||41||
ayudhyataayutaanaaM ca sahasrENa mahaahanuH|
pancaaSadbhiSca niyutairasilOmaa mahaasuraH ||42||
ayutaanaaM SataiH ShaDbhiHrbhaaShkalO yuyudhE raNE|
gajavaaji sahasraughai ranEkaiH parivaaritaH ||43||
vRutO rathaanaaM kOTyaa ca yuddhE tasminnayudhyata|
biDaalaakhyOyutaanaaM ca pancaaSadbhirathaayutaiH ||44||
yuyudhE saMyugE tatra rathaanaaM parivaaritaH|
anyE ca tatraayutaSO rathanaagahayairvRutaaH ||45||
yuyudhuH saMyugE dEvyaa saha tatra mahaasuraaH|
kOTikOTisahastraistu rathaanaaM dantinaaM tathaa ||46||
hayaanaaM ca vRutO yuddhE tatraabhoonmahiShaasuraH|
tOmarairbhindhipaalaiSca Saktibhirmusalaistathaa ||47||
yuyudhuH saMyugE dEvyaa khaDgaiH parasupaTTisaiH|
kEcicCa cikShipuH SakteeH kEcit paaSaaMstathaaparE ||48||
dEveeM khaDgaprahaaraistu tE taaM hantuM pracakramuH|
saapi dEvee tatastaani SastraaNyastraaNi caNDikaa ||49||
leela yaiva pracicCEda nijaSastraastravarShiNee|
anaayastaananaa dEvee stooyamaanaa surarShibhiH ||50||
mumOcaasuradEhEShu SastraaNyastraaNi cESvaree|
sOpi kruddhO dhutasaTO dEvyaa vaahanakEsaree ||51||
cacaaraasura sainyEShu vanEShviva hutaaSanaH|
niHSvaasaan mumucEyaaMSca yudhyamaanaaraNEmbikaa||52||
ta Eva sadhyasambhootaa gaNaaH SatasahasraSaH|
yuyudhustE paraSubhirbhindipaalaasipaTTiSaiH ||53||
naaSayantOasuragaNaan dEveeSaktyupabRuMhitaaH|
avaadayantaa paTahaan gaNaaH SanaaM stathaaparE ||54||
mRudangaaMSca tathaivaanyE tasminyuddha mahOtsavE|
tatOdEvee triSoolEna gadayaa SaktivRuShTibhiH||55||
khaDgaadibhiSca SataSO nijaghaana mahaasuraan|
paatayaamaasa caivaanyaan ghaNTaasvanavimOhitaan ||56||
asuraan bhuvipaaSEna badhvaacaanyaanakarShayat|
kEcid dvidhaakRutaa steekShNaiH khaDgapaataistathaaparE ||57||
vipOthitaa nipaatEna gadayaa bhuvi SEratE|
vEmuSca kEcidrudhiraM musalEna bhRuSaM hataaH ||58||
kEcinnipatitaa bhoomau bhinnaaH SoolEna vakShasi|
nirantaraaH SaraughEna kRutaaH kEcidraNaajirE ||59||
SalyaanukaariNaH praaNaan mamucustridaSaardanaaH|
kEShaancidbaahavaScinnaaScinnagreevaastathaaparE ||60||
SiraaMsi pEturanyEShaam anyE madhyE vidaaritaaH|
vicCinnajajghaasvaparE pEtururvyaaM mahaasuraaH ||61||
EkabaahvakShicaraNaaH kEciddEvyaa dvidhaakRutaaH|
CinnEpi caanyE Sirasi patitaaH punarutthitaaH ||62||
kabandhaa yuyudhurdEvyaa gRuheetaparamaayudhaaH|
nanRutuScaaparE tatra yuddE tooryalayaaSritaaH ||63||
kabandhaaScinnaSirasaH khaDgaSakytRuShTipaaNayaH|
tiShTha tiShThEti bhaaShantO dEvee manyE mahaasuraaH ||64||
paatitai rathanaagaaSvaiH aasuraiSca vasundharaa|
agamyaa saabhavattatra yatraabhoot sa mahaaraNaH ||65||
SONitaughaa mahaanadyassadyastatra visusruvuH|
madhyE caasurasainyasya vaaraNaasuravaajinaam ||66||
kShaNEna tanmahaasainyamasuraaNaaM tathaambikaa|
ninyE kShayaM yathaa vahnistRuNadaaru mahaacayam ||67||
saca siMhO mahaanaadamutsRujan dhutakEsaraH|
SareerEbhyOmaraareeNaamasooniva vicinvati ||68||
dEvyaa gaNaiSca taistatra kRutaM yuddhaM tathaasuraiH|
yathaiShaaM tuShTuvurdEvaaH puShpavRuShTimucO divi ||69||
jaya jaya Sree maarkaNDEya puraaNE saavarnikE manvantarE dEvi mahatmyE mahiShaasurasainyavadhO naama dviteeyOdhyaayaH||
aahuti
OM hreeM saaMgaayai saayudhaayai saSaktikaayai saparivaaraayai savaahanaayai aShTaaviMSati varNaatmikaayai lakshmee beejaadiShTaayai mahaahutiM samarpayaami namaH svaahaa |