Author: Markandeya
dhyaanaM
OM udyadbhaanusahasrakaaMtim aruNakShaumaaM SirOmaalikaaM
raktaalipta payOdharaaM japavaTeeM vidyaamabheetiM varam |
hastaabjairdhadhateeM trinEtravaktraaraviMdaSriyaM
dEveeM baddhahimaaMSuratnamakuTaaM vaMdEraviMdasthitaam ||
RuShiruvaaca ||1||
nihanyamaanaM tatsainyam avalOkya mahaasuraH|
sEnaaneeScikShuraH kOpaad dhyayau yOddhumathaambikaam ||2||
sa dEveeM SaravarShENa vavarSha samarEsuraH|
yathaa mErugirEHSRungaM tOyavarShENa tOyadaH ||3||
tasya Chitvaa tatO dEvee leelayaiva SarOtkaraan|
jaghaana turagaanbaaNairyantaaraM caiva vaajinaam ||4||
cicCEda ca dhanuHsadhyO dhvajaM caatisamucCRutam|
vivyaadha caiva gaatrEShu cinnadhanvaanamaaSugaiH ||5||
sacCinnadhanvaa virathO hataaSvO hatasaarathiH|
abhyadhaavata taaM dEveeM khaDgacarmadharOsuraH ||6||
siMhamaahatya khaDgEna teekShNadhaarENa moordhani|
aajaghaana bhujE savyE dEveem avyativEgavaan ||6||
tasyaaH khaDgO bhujaM praapya paphaala nRupanaMdana|
tatO jagraaha SoolaM sa kOpaad aruNalOcanaH ||8||
cikShEpa ca tatastattu bhadrakaaLyaaM mahaasuraH|
jaajvalyamaanaM tEjObhee ravibiMbamivaambaraat ||9||
dRuShTvaa tadaapatacCoolaM dEvee Soolamamuncata|
tacCoolaMSatadhaa tEna neetaM SoolaM sa ca mahaasuraH ||10||
hatE tasminmahaaveeryE mahiShasya camoopatau|
aajagaama gajaarooDaH ScaamarastridaSaardanaH ||11||
sOpi SaktiMmumOcaatha dEvyaastaam ambikaa drutam|
hunkaaraabhihataaM bhoomau paatayaamaasaniShprabhaam ||12||
bhagnaaM SaktiM nipatitaaM dRuShTvaa krOdhasamanvitaH
cikShEpa caamaraH SoolaM baaNaistadapi saacCinat ||13||
tataH siMhaHsamutpatya gajakuntarE mbhaantarEsthitaH|
baahuyuddhEna yuyudhE tEnOccaistridaSaariNaa ||14||
yudhyamaanou tatastou tu tasmaannaagaanmaheeM gatou
yuyudhaatEtisaMrabdhau prahaarai atidaaruNaiH ||15||
tatO vEgaat khamutpatya nipatya ca mRugaariNaa|
karaprahaarENa SiraScaamarasya pRuthak kRutam ||16||
udagraSca raNE dEvyaa SilaavRukShaadibhirhataH|
danta muShTitalaiScaiva karaaLaSca nipaatitaH ||17||
dEvee kRuddhaa gadaapaataiH ScoorNayaamaasa cOddhatam|
bhaaShkalaM bhindipaalEna baaNaistaamraM tathaandhakam ||18||
ugraasyamugraveeryaM ca tathaiva ca mahaahanum
trinEtraa ca triSoolEna jaghaana paramESvaree ||19||
biDaalasyaasinaa kaayaat paatayaamaasa vai SiraH|
durdharaM durmukhaM cObhau SarairninyE yamakShayam ||20||
EvaM saMkSheeyamaaNE tu svasainyE mahiShaasuraH|
maahiShENa svaroopENa traasayaamaasataan gaNaan ||21||
kaaMScittuNDaprahaarENa khurakShEpaistathaaparaan|
laangoolataaDitaaMScaanyaan SRungaabhyaaM ca vidaaritaa ||22||
vEgEna kaaMSchidaparaannaadEna bhramaNEna cha|
niH SvaasapavanEnaanyaan paatayaamaasa bhootalE||23||
nipaatya pramathaaneekamabhyadhaavata sOsuraH
siMhaM hantuM mahaadEvyaaH kOpaM cakrE tatOmbhikaa ||24||
sOpi kOpaanmahaaveeryaH khurakShuNNamaheetalaH|
SRungaabhyaaM parvataanuccaaMScikShEpa ca nanaada ca ||25||
vEga bhramaNa vikShuNNaa mahee tasya vyaSeeryata|
laangoolEnaahataScaabdhiH plaavayaamaasa sarvataH ||26||
dhutaSRungvibhinnaaSca khaNDaM khaNDaM yayurghanaaH|
SvaasaanilaastaaH SataSO nipEturnabhasOcalaaH ||27||
itikrOdhasamaadhmaatamaapatantaM mahaasuram|
dRuShTvaa saa caNDikaa kOpaM tadvadhaaya tadaakarOt ||28||
saa kShitpvaa tasya vaipaaSaM taM babandha mahaasuram|
tatyaajamaahiShaM roopaM sOpi baddhO mahaamRudhE ||29||
tataH siMhObhavatsadhyO yaavattasyaambikaa SiraH|
Cinatti taavat puruShaH khaDgapaaNi radRuSyata ||30||
tata EvaaSu puruShaM dEvee cicCEda saayakaiH|
taM khaDgacarmaNaa saardhaM tataH sO bhoonmahaa gajaH ||31||
karENa ca mahaasiMhaM taM cakarSha jagarjaca |
karShatastu karaM dEvee khaDgEna nirakRuntata ||32||
tatO mahaasurO bhooyO maahiShaM vapuraasthitaH|
tathaiva kShObhayaamaasa trailOkyaM sacaraacaram ||33||
tataH kruddhaa jaganmaataa caNDikaa paana muttamam|
papau punaH punaScaiva jahaasaaruNalOcanaa ||34||
nanarda caasuraH sOpi balaveeryamadOddhataH|
viShaaNaabhyaaM ca cikShEpa caNDikaaM pratibhoodharaan ||35||
saa ca taa nprahitaaM stEna coorNayantee SarOtkaraiH|
uvaaca taM madOddhootamukharaagaakulaakSharam ||36||
dEvyu^^uvaaca||
garja garja kShaNaM mooDha madhu yaavatpibaamyaham|
mayaatvayi hatEtraiva garjiShyantyaaSu dEvataaH ||37||
RuShiruvaaca||
Evamuktvaa samutpatya saarooDhaa taM mahaasuram|
paadEnaa kramya kaNThE ca SoolEnaina mataaDayat ||38||
tataH sOpi padaakraantastayaa nijamukhaattataH|
ardha niShkraanta EvaaseeddEvyaa veeryENa saMvRutaH ||40||
ardha niShkraanta Evaasau yudhyamaanO mahaasuraH |
tayaa mahaasinaa dEvyaa SiraSCittvaa nipaatitaH ||41||
tatO haahaakRutaM sarvaM daityasainyaM nanaaSa tat|
praharShaM ca paraM jagmuH sakalaa dEvataagaNaaH ||42||
tuShTu vustaaM suraa dEveeM sahadivyairmaharShibhiH|
jagurgundharvapatayO nanRutuScaapsarOgaNaaH ||43||
|| iti Sree maarkaNDEya puraaNE saavarnikE manvantarE dEvi mahatmyE mahiShaasuravadhO naama tRuteeyOdhyaayaM samaaptam ||
aahuti
hreeM jayaMtee saaMgaayai saayudhaayai saSaktikaayai saparivaaraayai savaahanaayai Sree mahaalakShmyai lakShmee beejaadiShTaayai mahaahutiM samarpayaami namaH svaahaa ||