നീലാംബരോ നീലവപുഃ കിരീടീ
ഗൃധ്രസ്ഥിതാസ്ത്രകരോ ധനുഷ്മാന് |
ചതുര്ഭുജഃ സൂര്യസുതഃ പ്രസന്നഃ
സദാ മമസ്യാദ്വരദഃ പ്രശാംതഃ ||
ബ്രഹ്മാ ഉവാച
ശൃണുധ്വം ഋഷയഃ സര്വേ ശനി പീഡാഹരം മഹത് |
കവചം ശനിരാജസ്യ സൗരൈരിദമനുത്തമമ് ||
കവചം ദേവതാവാസം വജ്ര പംജര സംങ്ഗകമ് |
ശനൈശ്ചര പ്രീതികരം സര്വസൗഭാഗ്യദായകമ് ||
അഥ ശ്രീ ശനി വജ്ര പംജര കവചമ്
ഓം ശ്രീ ശനൈശ്ചരഃ പാതു ഭാലം മേ സൂര്യനംദനഃ |
നേത്രേ ഛായാത്മജഃ പാതു പാതു കര്ണൗ യമാനുജഃ || 1 ||
നാസാം വൈവസ്വതഃ പാതു മുഖം മേ ഭാസ്കരഃ സദാ |
സ്നിഗ്ധകംഠശ്ച മേ കംഠം ഭുജൗ പാതു മഹാഭുജഃ || 2 ||
സ്കംധൗ പാതു ശനിശ്ചൈവ കരൗ പാതു ശുഭപ്രദഃ |
വക്ഷഃ പാതു യമഭ്രാതാ കുക്ഷിം പാത്വസിതസ്തഥാ || 3 ||
നാഭിം ഗ്രഹപതിഃ പാതു മംദഃ പാതു കടിം തഥാ |
ഊരൂ മമാംതകഃ പാതു യമോ ജാനുയുഗം തഥാ || 4 ||
പാദൗ മംദഗതിഃ പാതു സര്വാംഗം പാതു പിപ്പലഃ |
അംഗോപാംഗാനി സര്വാണി രക്ഷേന് മേ സൂര്യനംദനഃ || 5 ||
ഫലശ്രുതിഃ
ഇത്യേതത്കവചമ് ദിവ്യം പഠേത്സൂര്യസുതസ്യ യഃ |
ന തസ്യ ജായതേ പീഡാ പ്രീതോ ഭവതി സൂര്യജഃ ||
വ്യയജന്മദ്വിതീയസ്ഥോ മൃത്യുസ്ഥാനഗതോപിവാ |
കലത്രസ്ഥോ ഗതോവാപി സുപ്രീതസ്തു സദാ ശനിഃ ||
അഷ്ടമസ്ഥോ സൂര്യസുതേ വ്യയേ ജന്മദ്വിതീയഗേ |
കവചം പഠതേ നിത്യം ന പീഡാ ജായതേ ക്വചിത് ||
ഇത്യേതത്കവചം ദിവ്യം സൗരേര്യന്നിര്മിതം പുരാ |
ദ്വാദശാഷ്ടമജന്മസ്ഥദോഷാന്നാശയതേ സദാ |
ജന്മലഗ്നസ്ഥിതാന് ദോഷാന് സര്വാന്നാശയതേ പ്രഭുഃ ||
ഇതി ശ്രീ ബ്രഹ്മാംഡപുരാണേ ബ്രഹ്മനാരദസംവാദേ ശനിവജ്രപംജര കവചം സംപൂര്ണമ്