Chandra Kavacham in Malayalam

അസ്യ ശ്രീ ചംദ്ര കവചസ്യ | ഗൗതമ ഋഷിഃ | അനുഷ്ടുപ് ഛംദഃ | ശ്രീ ചംദ്രോ ദേവതാ | ചംദ്ര പ്രീത്യര്ഥേ ജപേ വിനിയോഗഃ ||

ധ്യാനം

സമം ചതുര്ഭുജം വംദേ കേയൂര മകുടോജ്വലമ് |
വാസുദേവസ്യ നയനം ശംകരസ്യ ച ഭൂഷണമ് ||

ഏവം ധ്യാത്വാ ജപേന്നിത്യം ശശിനഃ കവചം ശുഭമ് ||

അഥ ചംദ്ര കവചമ്

ശശീ പാതു ശിരോദേശം ഭാലം പാതു കലാനിധിഃ |
ചക്ഷുഷീ ചംദ്രമാഃ പാതു ശ്രുതീ പാതു നിശാപതിഃ || 1 ||

പ്രാണം ക്ഷപകരഃ പാതു മുഖം കുമുദബാംധവഃ |
പാതു കംഠം ച മേ സോമഃ സ്കംധേ ജൈവാതൃകസ്തഥാ || 2 ||

കരൗ സുധാകരഃ പാതു വക്ഷഃ പാതു നിശാകരഃ |
ഹൃദയം പാതു മേ ചംദ്രോ നാഭിം ശംകരഭൂഷണഃ || 3 ||

മധ്യം പാതു സുരശ്രേഷ്ഠഃ കടിം പാതു സുധാകരഃ |
ഊരൂ താരാപതിഃ പാതു മൃഗാംകോ ജാനുനീ സദാ || 4 ||

അബ്ധിജഃ പാതു മേ ജംഘേ പാതു പാദൗ വിധുഃ സദാ |
സര്വാണ്യന്യാനി ചാംഗാനി പാതു ചംദ്രോഖിലം വപുഃ || 5 ||

ഫലശ്രുതിഃ
ഏതദ്ധി കവചം ദിവ്യം ഭുക്തി മുക്തി പ്രദായകമ് |
യഃ പഠേച്ഛൃണുയാദ്വാപി സര്വത്ര വിജയീ ഭവേത് || 6 ||

|| ഇതി ശ്രീചംദ്ര കവചം സംപൂര്ണമ് ||

Chandra Kavacham in Other Languages

Write Your Comment