Aditya Stotram in Telugu, Aditya Stotram Lyrics in Telugu Script, ఆదిత్యస్తోత్రం తెలుగులో.
Aditya Stotram is an highly auspicious Stotram dedicated to Surya Bhagawan. Aditya Stotram is mentioned in the Bhavishya Purana.
ఆదిత్యస్తోత్రం
శ్రీగణేశాయ నమః
నవగ్రహాణాం సర్వేషాం సూర్యాదీనాం పృథక్ పృథక్ .
పీడా చ దుఃసహా రాజంజాయతే సతతం నృణాం .. 1
పీడానాశాయ రాజేంద్ర నామాని శృణు భాస్వతః .
సూర్యాదీనాం చ సర్వేషాం పీడా నశ్యతి శృణ్వతః .. 2
ఆదిత్య సవితా సూర్యః పూషార్కః శీఘ్రగో రవిః .
భగస్త్వష్టాఽర్యమా హంసో హేలిస్తేజో నిధిర్హరిః .. 3
దిననాథో దినకరః సప్తసప్తిః ప్రభాకరః .
విభావసుర్వేదకర్తా వేదాంగో వేదవాహనః .. 4
హరిదశ్వః కాలవక్త్రః కర్మసాక్షీ జగత్పతిః .
పద్మినీబోధకో భానుర్భాస్కరః కరుణాకరః .. 5
ద్వాదశాత్మా విశ్వకర్మా లోహితాంగస్తమోనుదః .
జగన్నాథోఽరవిందాక్షః కాలాత్మా కశ్యపాత్మజః .. 6
భూతాశ్రయో గ్రహపతిః సర్వలోకనమస్కృతః .
సంకాశో భాస్వానదితినందనః .. 7
ధ్వాంతేభసింహః సర్వాత్మా లోకనేత్రో వికర్తనః .
మార్తండో మిహిరః సూరస్తపనో లోకతాపనః .. 8
జగత్కర్తా జగత్సాక్షీ శనైశ్చరపితా జయః .
సహస్రరశ్మిస్తరణిర్భగవాన్భక్తవత్సలః .. 9
వివస్వానాదిదేవశ్చ దేవదేవో దివాకరః .
ధన్వంతరిర్వ్యాధిహర్తా దద్రుకుష్ఠవినాశనః .. 10
చరాచరాత్మా మైత్రేయోఽమితో విష్ణుర్వికర్తనః .
కోకశోకాపహర్తా చ కమలాకర ఆత్మభూః .. 11
నారాయణో మహాదేవో రుద్రః పురుష ఈశ్వరః .
జీవాత్మా పరమాత్మా చ సూక్ష్మాత్మా సర్వతోముఖః .. 12
ఇంద్రోఽనలో యమశ్చైవ నైరృతో వరుణోఽనిలః .
శ్రీద ఈశాన ఇందుశ్చ భౌమః సౌమ్యో గురుః కవిః .. 13
శౌరిర్విధుంతుదః కేతుః కాలః కాలాత్మకో విభుః .
సర్వదేవమయో దేవః కృష్ణః కాయప్రదాయకః .. 14
య ఏతైర్నామభిర్మర్త్యో భక్త్యా స్తౌతి దివాకరం .
సర్వపాపవినిర్ముక్తః సర్వరోగవివర్జితః .. 15
పుత్రవాన్ ధనవాన్ శ్రీమాంజాయతే స న సంశయః .
రవివారే పఠేద్యస్తు నామాన్యేతాని భాస్వతః .. 16
పీడాశాంతిర్భవేత్తస్య గ్రహాణాం చ విశేషతః .
సద్యః సుఖమవాప్నోతి చాయుర్దీర్ఘం చ నీరుజం .. 17
ఇతి శ్రీభవిష్యపురాణే ఆదిత్యస్తోత్రం సంపూర్ణం .