Aditya Hrudaya Stotram is a powerful hymn dedicated to Surya Bhagawan. It is mentioned in Sri Padma Purana.
Aditya Hrudaya Stotram is popularly chanted to get rid of chronic diseases and to prevention of any physical disorder.
ఆదిత్యహృదయస్తోత్రం పద్మపురాణాంతర్గతం
అథ శ్రీపద్మపురాణోక్త నిరోగకారీ ఆదిత్యహృదయప్రయోగః
ఆదిత్యః ప్రథమం నామ ద్వితీయం తు దివాకరః .
తృతీయం భాస్కరః ప్రోక్తం చతుర్థం చ ప్రభాకరః ..
పంచమం చ సహస్రాంశు షష్ఠం చైవ త్రిలోచనః .
సప్తమం హరిదశ్వం చ అష్టమం తు అహర్పతిః ..
నవమం దినకరః ప్రోక్తం దశమం ద్వాదశాత్మకః .
ఏకాదశం త్రిమూర్తిశ్చ ద్వాదశం సూర్య ఏవ తు ..
ఫలశ్రుతి
ద్వాదశాదిత్యనామాని ప్రాతఃకాలే పఠేన్నరః .
దుఃస్వప్నో నశ్యతే తస్య సర్వదుఃఖం చ నశ్యతి ..
దద్రుకుష్టహరం చైవ దారిద్ర్యం హరతే ధ్రువం .
సర్వతీర్థకరం చైవ సర్వకామఫలప్రదం ..
యః పఠేత్ ప్రాతరుత్థాయ భక్త్యా స్తోత్రమిదం నరః .
సౌఖ్యమాయుస్తథారోగ్యం లభతే మోక్షమేవ చ ..
సూర్యస్య ద్వాదశనామ నమస్కారం
1. ఓం ఆదిత్యాయ నమః . 2. ఓం దివాకరాయ నమః .
3. ఓం భాస్కరాయ నమః . 4. ఓం ప్రభాకరాయ నమః .
5. ఓం సహస్రాంశవే నమః . 6. ఓం త్రిలోచనాయ నమః .
7. ఓం హరిదశ్వాయ నమః . 8. ఓం విభావసవే నమః .
9. ఓం దినకరాయ నమః . 10. ఓం ద్వాదశాత్మకాయ నమః .
11. ఓం త్రిమూర్తయే నమః . 12. ఓం సూర్యాయ నమః ..
వినియోగః
ఓం అస్య శ్రీఆదిత్యహృదయస్తోత్రమంత్రస్య శ్రీకృష్ణ ఋషిః,
అనుష్టుప్ఛందః, శ్రీసూర్యనారాయణో దేవతా, హరితహయరథం దివాకరం
ఘృణిరితి బీజం, నమో భగవతే జితవైశ్వానర జాతవేదసే
నమః ఇతి శక్తిః, అంశుమానితి కీలకం, అగ్ని కర్మ ఇతి మంత్రః,
మమ సర్వరోగనివారణాయ శ్రీసూర్యనారాయణప్రీత్యర్థే జపే వినియోగః .
స్తవః
అర్కం తు మూర్ధ్ని విన్యస్య లలాటే తు రవిం న్యసేత్ .
విన్యసేత్ కరయోః సూర్యం కర్ణయోశ్చ దివాకరం ..
నాసికాయాం న్యసేత్ భానుం ముఖే వై భాస్కరం న్యసేత్ .
పర్జన్యమోష్ఠయోశ్చైవ తీక్ష్ణం జిహ్వాంతరే న్యసేత్ ..
సువర్ణరేతసం కంఠే స్కంధయోస్తిగ్మతేజసం .
బాహ్వోస్తు పూషణం చైవ మిత్రం వై పృష్ఠతో న్యసేత్ ..
వరుణం దక్షిణే హస్తే త్వష్టారం వామతః కరే .
హస్తావుష్ణకరః పాతు హృదయం పాతు భానుమాన్ ..
స్తనభారం మహాతేజా ఆదిత్యముదరే న్యసేత్ .
పృష్ఠే త్వర్ఘమణం విద్యాదాదిత్యం నాభిమండలే ..
కట్యాం తు విన్యసేద్ధంసం రుద్రమూర్వో విన్యసేత్ .
జాన్హోస్తు గోపతిం న్యస్య సవితారం తు జంఘయోః ..
పాదయోస్తు వివస్వంతం గుల్ఫయోశ్చ ప్రభాకరం .
సర్వాంగేషు సహస్రాంశు దిగ్విదిక్షు భగం న్యసేత్ ..
బాహ్యతస్తు తమోఘ్నంసం భగమభ్యంతరే న్యసేత్ .
ఏష ఆదిత్యవిన్యాసో దేవానామపి దుర్లభః ..
న్యాసం
మూర్ధ్ని అర్కాయ నమః . లలాటే రవయే నమః .
కరయోః సూర్యాయ నమః . కర్ణయోః దివాకరాయ నమః .
నాసికాయాం భానవే నమః . ముఖే భాస్కరాయ నమః .
ఓష్ఠయోః పర్జన్యాయ నమః . జిహ్వాయాం తీక్ష్ణాయ నమః .
కంఠే సువర్ణరేతసే నమః . స్కంధయోః తిగ్మతేజసే నమః .
బాహ్వోః పూషణాయ నమః . పృష్ఠే మిత్రాయ నమః .
దక్షహస్తే వరుణాయ నమః . వామహస్తే త్వష్టారం నమః .
హస్తౌ ఉష్ణకరాయ నమః . హృదయే భానుమతే నమః .
స్తనయోః మహాతేజసే నమః . ఉదరే ఆదిత్యాయ నమః .
పృష్ఠే అర్ఘమణాయ నమః . నాభౌ విద్యాదాదిత్యాయ నమః .
కట్యాం హంసాయ నమః . ఊర్వోః రుద్రాయ నమః .
జాన్హోః గోపతయే నమః . జంఘయోః సవిత్రే నమః .
పాదయోః వివస్వతే నమః . గుల్ఫయోః ప్రభాకరాయ నమః .
సర్వాంగే సహస్రాంశవే నమః . దిగ్విదిక్షు భగాయ నమః .
బాహ్యే తమోఘ్నంసాయ నమః . అభ్యంతరే భగాయ నమః .
ధ్యానం
భాస్వద్రత్నాఢ్యమౌలిః స్ఫురదధరరుచారంజితశ్చారుకేశో
భాస్వాన్ యో దివ్యతేజాః కరకమలయుతః స్వర్ణవర్ణః ప్రభాభిః .
విశ్వాకాశావకాశో గ్రహగ్రహణ సహితో భాతి యశ్చోదయాద్రౌ
సర్వానందప్రదాతా హరిహరనమితః పాతు మాం విశ్వచక్షుః ..
అర్ఘ్యం
ఏహి సూర్య సహస్రాంశో తేజోరాశిః జగత్పతే .
అనుకంపయ మాం భక్త్యా గృహాణార్ఘ్యం దివాకర ..
మంత్రం
ఓం ఘృణిః సూర్య ఆదిత్య .
సూర్యస్తుతిః
అగ్నిమీళే నమస్తుభ్యమీషత్తూర్యస్వరూపిణే .
అగ్న్యాయాహి వీతయే త్వం నమస్తే జ్యోతిషాం పతే ..
శన్నో దేవో నమస్తుభ్యం జగచ్చక్షుర్నమోఽస్తు తే .
ధవలాంభోరుహణం డాకినీం శ్యామలప్రభాం ..
విశ్వదీప నమస్తుభ్యం నమస్తే జగదాత్మనే .
పద్మాసనః పద్మకరః పద్మగర్భసమద్యుతిః ..
సప్తాశ్వరథసంయుక్తో ద్విభుజో భాస్కరో రవిః .
ఆదిత్యస్య నమస్కారం యే కుర్వంతి దినే దినే ..
జన్మాంతరసహస్రేషు దారిద్ర్యం నోపజాయతే .
నమో ధర్మవిపాకాయ నమః సుకృతసాక్షిణే ..
నమః ప్రత్యక్షదేవాయ భాస్కరాయ నమో నమః .
ఉదయగిరిముపేతం భాస్కరం పద్మహస్తం .
సకలభువనరత్నం రత్నరత్నాభిధేయం ..
తిమిరకరిమృగేంద్రం బోధకం పద్మినీనాం .
సురవరమభివందే సుందరం విశ్వరూపం ..
అన్యథా శరణం నాస్తి త్వమేవ శరణం మమ .
తస్మాత్ కారుణ్యభావేన రక్షస్వ పరమేశ్వర ..
ఇతి శ్రీపద్మపురాణే శ్రీకృష్ణార్జునేసంవాదే ఆదిత్యహృదయస్తోత్రం