Sri Raghavendra Kavacham is an armor dedicated to Guru Raghavendra Swamy. It is written and compiled by Shri Appanacharya.
This is a 51-verse Kavacham starts with ‘Kavacham Raghavendrasya’… and ends with ‘Guruvarya Prasadatha’ ..
Sri Raghavendra Kavacham in Telugu
శ్రీరాఘవేంద్రకవచం
కవచం రాఘవేంద్రస్య యతీంద్రస్య మహాత్మనః .
వక్ష్యామి గురువర్యస్య వాంఛితార్థప్రదాయకం .. 1
ఋషిరస్యాప్పణాచార్యః ఛందోఽనుష్టుప్ ప్రకీర్తితం .
దేవతా శ్రీరాఘవేంద్రగురురిష్టార్థసిద్ధయే .. 2
అష్టోత్తరశతం జప్యం భక్తియుక్తేన చేతసా .
ఉద్యత్ప్రద్యోతనద్యోతభర్మకూర్మాసనే స్థితం .. 3
ఏద్యఖద్యోతనద్యోతప్రతాపం రామమానసం .
ధృతకాషాయవసనం తులసీహారవక్షసం .. 4
దోర్దండవిలసద్దండకమండలువిరాజితం .
అభయజ్ఞానముద్రాక్షమాలాశీలకరాంబుజం .. 5
యోగీంద్రవంద్యపాదాబ్జం రాఘవేంద్రగురుం భజే .
శిరో రక్షతు మే నిత్యం రాఘవేంద్రోఽఖిలేష్టదః .. 6
పాపాద్రిపాటనే వజ్రః కేశాన్ రక్షతు మే సదా .
క్షమాసురగణాధీశో ముఖం రక్షతు మే గురుః .. 7
హరిసేవాలబ్ధసర్వసంపత్భాలం మమావతు .
దేవస్వభావోఽవతు మే దృశౌ తత్త్వప్రదర్శకః .. 8
ఇష్టప్రదానే కల్పద్రుః శ్రోత్రే శ్రుత్యర్థబోధకః .
భవ్యస్వరూపో మే నాసాం జిహ్వాం మేఽవతు భవ్యకృత్ .. 9
ఆస్యం రక్షతు మే దుఃఖతూలసంఘాగ్నిచర్యకః .
సుఖధైర్యాదిసుగుణో భ్రువౌ మమ సదాఽవతు .. 10
ఓష్ఠౌ రక్షతు మే సర్వగ్రహనిగ్రహశక్తిమాన్ .
ఉపప్లవోదధేస్సేతుర్దంతాన్ రక్షతు మే సదా .. 11
నిరస్తదోషో మే పాతు కపోలౌ సర్వపాలకః .
నిరవద్యమహావేషః కంఠం మేఽవతు సర్వదా .. 12..
కర్ణమూలే తు ప్రత్యర్థిమూకత్వాకరవాఙ్ మమ .
బహువాదిజయీ పాతు హస్తౌ సత్తత్త్వవాదకృత్ .. 13..
కరౌ రక్షతు మే విద్వత్పరిజ్ఞేయవిశేషవాన్ .
వాగ్వైఖరీభవ్యశేషజయీ వక్షస్థలం మమ .. 14..
సతీసంతానసంపత్తిభక్తిజ్ఞానాదివృద్ధికృత్ .
స్తనౌ రక్షతు మే నిత్యం శరీరావద్యహానికృత్ .. 15
పుణ్యవర్ధనపాదాబ్జాభిషేకజలసంచయః .
నాభిం రక్షతు మే పార్శ్వౌ ద్యునదీతుల్యసద్గుణః .. 16
పృష్ఠం రక్షతు మే నిత్యం తాపత్రయవినాశకృత్ .
కటిం మే రక్షతు సదా వంధ్యాసత్పుత్రదాయకః .. 17
జఘనం మేఽవతు సదా వ్యంగస్వంగసమృద్ధికృత్ .
గుహ్యం రక్షతు మే పాపగ్రహారిష్టవినాశకృత్ .. 18
భక్తాఘవిధ్వంసకరనిజమూర్తిప్రదర్శకః .
మూర్తిమాన్పాతు మే రోమం రాఘవేంద్రో జగద్గురుః .. 19..
సర్వతంత్రస్వతంత్రోఽసౌ జానునీ మే సదాఽవతు .
జంఘే రక్షతు మే నిత్యం శ్రీమధ్వమతవర్ధనః .. 20
విజయీంద్రకరాబ్జోత్థసుధీంద్రవరపుత్రకః .
గుల్ఫౌ శ్రీరాఘవేంద్రో మే యతిరాట్ సర్వదాఽవతు … 21
పాదౌ రక్షతు మే సర్వభయహారీ కృపానిధిః .
జ్ఞానభక్తిసుపుత్రాయుర్యశః శ్రీపుణ్యవర్ధనః .. 22
కరపాదాంగులీః సర్వా మమావతు జగద్గురుః .
ప్రతివాదిజయస్వాంతభేదచిహ్నాదరో గురుః .. 23
నఖానవతు మే సర్వాన్ సర్వశాస్త్రవిశారదః .
అపరోక్షీకృతశ్రీశః ప్రాచ్యాం దిశి సదాఽవతు .. 24
స దక్షిణే చావతు మాం సముపేక్షితభావజః .
అపేక్షితప్రదాతా చ ప్రతీచ్యామవతు ప్రభుః .. 25
దయాదాక్షిణ్యవైరాగ్యవాక్పాటవముఖాంకితః .
సదోదీచ్యామవతు మాం శాపానుగ్రహశక్తిమాన్ .. 26
నిఖిలేంద్రియదోషఘ్నో మహానుగ్రహకృద్గురుః .
అధశ్చోర్ధ్వం చావతు మామష్టాక్షరమనూదితం .. 27
ఆత్మాఽఽత్మీయాఘరాశిఘ్నో మాం రక్షతు విదిక్షు చ .
చతుర్ణాం చ పుమర్థానాం దాతా ప్రాతః సదాఽవతు .. 28
సంగ్రామేఽవతు మాం నిత్యం తత్త్వవిత్సర్వసౌఖ్యకృత్ .
మధ్యాహ్నేఽగమ్యమహిమా మాం రక్షతు మహాయశాః .. 29
మృతపోతప్రాణదాతా సాయాహ్నే మాం సదాఽవతు .
వేదిస్థపురుషోజ్జీవీ నిశీథే పాతు మాం గురుః .. 30
వహ్నిస్థమాలికోద్ధర్తా వహ్నితాపాత్సదాఽవతు .
సమగ్రటీకావ్యాఖ్యాతా గురుర్మే విషయేఽవతు .. 31
కాంతారేఽవతు మాం నిత్యం భాట్ట (భాష్య) సంగ్రహకృద్గురుః .
సుధాపరిమళోద్ధర్తా సు (స్వ)చ్ఛందస్తు సదాఽవతు .. 32
రాజచోరవిషవ్యాధియాదోవన్యమృగాదిభిః .
అపస్మారాపహర్తా నః శాస్త్రవిత్సర్వదాఽవతు .. 33
గతౌ సర్వత్ర మాం పాతూపనిషదర్థకృద్గురుః .
ఋగ్వ్యాఖ్యానకృదాచార్యః స్థితౌ రక్షతు మాం సదా .. 34
మంత్రాలయనివాసీ మాం జాగ్రత్కాలే సదాఽవతు .
న్యాయముక్తావలీకర్తా స్వప్నే రక్షతు మాం సదా .. 35
మాం పాతు చంద్రికావ్యాఖ్యాకర్తా సుప్తౌ హి తత్త్వకృత్ .
సుతంత్రదీపికాకర్తా ముక్తౌ రక్షతు మాం గురుః .. 36
గీతార్థసంగ్రహకరస్సదా రక్షతు మాం గురుః .
శ్రీమధ్వమతదుగ్ధాబ్ధిచంద్రోఽవతు సదాఽనఘః .. 37
ఇతి శ్రీరాఘవేంద్రస్య కవచం పాపనాశనం .
సర్వవ్యాధిహరం సద్యః పావనం పుణ్యవర్ధనం .. 38
య ఇదం పఠతే నిత్యం నియమేన సమాహితః .
అదృష్టిః పూర్ణదృష్టిః స్యాదేడమూకోఽపి వాక్పతిః .. 39
పూర్ణాయుః పూర్ణసంపత్తిభక్తిజ్ఞానాభివృద్ధికృత్ .
పీత్వా వారి నరో యేన కవచేనాభిమంత్రితం .. 40
జహాతి కుక్షిగాన్ రోగాన్ గురువర్యప్రసాదతః .
ప్రదక్షిణనమస్కారాన్ గురోర్వృందావనస్య యః .. 41
కరోతి పరయా భక్త్యా తదేతత్కవచం పఠన్ .
పంగుః కూణిశ్చ పౌగండః పూర్ణాంగో జాయతే ధ్రువం .. 42
శేషాశ్చ కుష్ఠపూర్వాశ్చ నశ్యంత్యామయరాశయః .
అష్టాక్షరేణ మంత్రేణ స్తోత్రేణ కవచేన చ .. 43
వృందావనే సన్నిహితమభిషిచ్య యథావిధి .
యంత్రే మంత్రాక్షరాణ్యష్టౌ విలిఖ్యాత్ర ప్రతిష్ఠితం .. 44
షోడశైరుపచారైశ్చ సంపూజ్య త్రిజగద్గురుం .
అష్టోత్తరశతాఖ్యాభిరర్చయేత్కుసుమాదిభిః .. 45
ఫలైశ్చ వివిధైరేవ గురోరర్చాం ప్రకుర్వతః .
నామశ్రవణమాత్రేణ గురువర్యప్రసాదతః .. 46
భూతప్రేతపిశాచాద్యాః విద్రవంతి దిశో దశ .
పఠేదేతత్త్రికం నిత్యం గురోర్వృందావనాంతికే .. 47
దీపం సంయోజ్య విద్యావాన్ సభాసు విజయీ భవేత్ .
రాజచోరమహావ్యాఘ్రసర్పనక్రాదిపీడనాత్ .. 48
కవచస్య ప్రభావేణ భయం తస్య న జాయతే .
సోమసూర్యోపరాగాదికాలే వృందావనాంతికే .. 49
కవచాదిత్రికం పుణ్యమప్పణాచార్యదర్శితం .
జపేద్యః స ధనం పుత్రాన్ భార్యాం చ సుమనోరమాం .. 50
జ్ఞానం భక్తిం చ వైరాగ్యం భుక్తిం ముక్తిం చ శాశ్వతీం .
సంప్రాప్య మోదతే నిత్యం గురువర్యప్రసాదతః .. 51
ఇతి శ్రీమదప్పణాచార్యవిరచితం శ్రీరాఘవేంద్రకవచం సంపూర్ణం .