Tungabhadra Stuti | Tungabhadra Pushkara Special

Tungabhadra Stuti is a Stotram dedicated to Tungabhadra River (Mata Tungabhadra). Tungabhadra Mahatmyam is mentioned in Brahmanda Purana.

In 2020, Tungabhadra Pushkarams begins on November 20 and ends on December 1 as Jupiter enters into Capricorn (Brihaspati Sankramana in Makara Rashi). Pushkara Vidhi (Rituals to be performed on each day in Pushkarams) is given in ‘Tungabhadra Pushkara Vidhi‘.

ब्रह्माण्डपुराणान्तर्गत-तुङ्गभद्रामाहात्म्ये

brahmāṇḍapurāṇāntargata-tuṅgabhadrāmāhātmye

श्रीविभाण्डक उवाच

śrīvibhāṇḍaka uvāca

वराहदेहसम्भूते गिरिजे पापभञ्जिनि |
दर्शनान्मुक्तिदे देवि महापातकिनामपि ॥१॥

varāhadehasambhūte girije pāpabhañjini |
darśanānmuktide devi mahāpātakināmapi .1.

वाग्देवी त्वं महालक्ष्मीः गिरिजासि शची तथा |
प्रभा सूर्यस्य देवेशि मरीचिस्त्वं कलानिधेः ॥२॥

vāgdevī tvaṃ mahālakṣmīḥ girijāsi śacī tathā |
prabhā sūryasya deveśi marīcistvaṃ kalānidheḥ .2.

पर्जन्यस्य यथा विद्युद्विष्णोर्माया त्वमेव हि |
तृणगुल्मलतावृक्षाः सिद्धा देवा उदीरिताः ॥३॥

parjanyasya yathā vidyudviṣṇormāyā tvameva hi |
tṛṇagulmalatāvṛkṣāḥ siddhā devā udīritāḥ .3.

दृष्टा स्पृष्टा तथा पीता वन्दिता चावगाहिता |
मुक्तिदे पापिनां देवि शतकृत्वो नमो नमः ॥४॥

dṛṣṭā spṛṣṭā tathā pītā vanditā cāvagāhitā |
muktide pāpināṃ devi śatakṛtvo namo namaḥ .4.

माण्डव्य उवाच

māṇḍavya uvāca

नमस्ते तुङ्गभद्रायै नमस्ते हरिदेहजे ।
नमस्ते वेदगिरिजे श्रीशैलपदभाजिनि ॥१॥

namaste tuṅgabhadrāyai namaste haridehaje ;
namaste vedagirije śrīśailapadabhājini .1.

विष्णुमाये विष्णुरूपे विष्वक्सेनप्रियेऽनघे ।
विश्वम्भरे विशालाक्षि विलसत्कूलसंयुते ।
विलोकय विनोदेन कुरु मां विगतैनसम् ॥२॥

viṣṇumāye viṣṇurūpe viṣvaksenapriye’naghe ;
viśvambhare viśālākṣi vilasatkūlasaṃyute ;
vilokaya vinodena kuru māṃ vigatainasam .2.

त्वद्वातवीजिता भूता विमलाघा भवन्ति हि ।
दर्शनात् स्पर्शनात् पानाद्वक्तव्यं किं नु विद्यते ॥३॥

tvadvātavījitā bhūtā vimalāghā bhavanti hi ;
darśanāt sparśanāt pānādvaktavyaṃ kiṃ nu vidyate .3.

दृष्ट्वा जन्मशतं पापं स्पृष्ट्वा जन्मशतत्रयम् ।
पीत्वा जन्मसहस्राणां पापं नाशय मङ्गले ॥४॥

dṛṣṭvā janmaśataṃ pāpaṃ spṛṣṭvā janmaśatatrayam ;
pītvā janmasahasrāṇāṃ pāpaṃ nāśaya maṅgale .4.

पुत्रान् दारान् धनं धान्यं पशुवस्त्राणि ये नराः ।
कामान्मज्जनशीलास्ते यान्ति तत्फलमञ्जसा ।
भुक्त्वा यान्ति हरेः स्थानं यावदाचन्द्रतारकम् ॥५॥

putrān dārān dhanaṃ dhānyaṃ paśuvastrāṇi ye narāḥ ;
kāmānmajjanaśīlāste yānti tatphalamañjasā ;
bhuktvā yānti hareḥ sthānaṃ yāvadācandratārakam .5.

|| इति ब्रह्माण्डपुराणे तुङ्गभद्रामाहात्म्ये श्रीतुङ्गभद्रास्तुतिः समाप्ता ||

|| iti brahmāṇḍapurāṇe tuṅgabhadrāmāhātmye śrītuṅgabhadrāstutiḥ samāptā ||

Write Your Comment