শ্রীভগবানুবাচ
অভয়ং সত্ত্বসংশুদ্ধির্জ্ঞানয়োগব্য়বস্থিতিঃ |
দানং দমশ্চ য়জ্ঞশ্চ স্বাধ্য়ায়স্তপ আর্জবম || 1 ||
অহিংসা সত্য়মক্রোধস্ত্য়াগঃ শান্তিরপৈশুনম |
দয়া ভূতেষ্বলোলুপ্ত্বং মার্দবং হ্রীরচাপলম || 2 ||
তেজঃ ক্ষমা ধৃতিঃ শৌচমদ্রোহো নাতিমানিতা |
ভবন্তি সংপদং দৈবীমভিজাতস্য় ভারত || 3 ||
দম্ভো দর্পোஉভিমানশ্চ ক্রোধঃ পারুষ্য়মেব চ |
অজ্ঞানং চাভিজাতস্য় পার্থ সংপদমাসুরীম || 4 ||
দৈবী সংপদ্বিমোক্ষায় নিবন্ধায়াসুরী মতা |
মা শুচঃ সংপদং দৈবীমভিজাতোஉসি পাংডব || 5 ||
দ্বৌ ভূতসর্গৌ লোকেஉস্মিন্দৈব আসুর এব চ |
দৈবো বিস্তরশঃ প্রোক্ত আসুরং পার্থ মে শৃণু || 6 ||
প্রবৃত্তিং চ নিবৃত্তিং চ জনা ন বিদুরাসুরাঃ |
ন শৌচং নাপি চাচারো ন সত্য়ং তেষু বিদ্য়তে || 7 ||
অসত্য়মপ্রতিষ্ঠং তে জগদাহুরনীশ্বরম |
অপরস্পরসংভূতং কিমন্য়ত্কামহৈতুকম || 8 ||
এতাং দৃষ্টিমবষ্টভ্য় নষ্টাত্মানোஉল্পবুদ্ধয়ঃ |
প্রভবন্ত্য়ুগ্রকর্মাণঃ ক্ষয়ায় জগতোஉহিতাঃ || 9 ||
কামমাশ্রিত্য় দুষ্পূরং দম্ভমানমদান্বিতাঃ |
মোহাদ্গৃহীত্বাসদ্গ্রাহান্প্রবর্তন্তেஉশুচিব্রতাঃ || 10 ||
চিন্তামপরিমেয়াং চ প্রলয়ান্তামুপাশ্রিতাঃ |
কামোপভোগপরমা এতাবদিতি নিশ্চিতাঃ || 11 ||
আশাপাশশতৈর্বদ্ধাঃ কামক্রোধপরায়ণাঃ |
ঈহন্তে কামভোগার্থমন্য়ায়েনার্থসংচয়ান || 12 ||
ইদমদ্য় ময়া লব্ধমিমং প্রাপ্স্য়ে মনোরথম |
ইদমস্তীদমপি মে ভবিষ্য়তি পুনর্ধনম || 13 ||
অসৌ ময়া হতঃ শত্রুর্হনিষ্য়ে চাপরানপি |
ঈশ্বরোஉহমহং ভোগী সিদ্ধোஉহং বলবান্সুখী || 14 ||
আঢ্য়োஉভিজনবানস্মি কোஉন্য়োস্তি সদৃশো ময়া |
য়ক্ষ্য়ে দাস্য়ামি মোদিষ্য় ইত্য়জ্ঞানবিমোহিতাঃ || 15 ||
অনেকচিত্তবিভ্রান্তা মোহজালসমাবৃতাঃ |
প্রসক্তাঃ কামভোগেষু পতন্তি নরকেஉশুচৌ || 16 ||
আত্মসংভাবিতাঃ স্তব্ধা ধনমানমদান্বিতাঃ |
য়জন্তে নাময়জ্ঞৈস্তে দম্ভেনাবিধিপূর্বকম || 17 ||
অহংকারং বলং দর্পং কামং ক্রোধং চ সংশ্রিতাঃ |
মামাত্মপরদেহেষু প্রদ্বিষন্তোஉভ্য়সূয়কাঃ || 18 ||
তানহং দ্বিষতঃ ক্রূরান্সংসারেষু নরাধমান |
ক্ষিপাম্য়জস্রমশুভানাসুরীষ্বেব য়োনিষু || 19 ||
আসুরীং য়োনিমাপন্না মূঢা জন্মনি জন্মনি |
মামপ্রাপ্য়ৈব কৌন্তেয় ততো য়ান্ত্য়ধমাং গতিম || 20 ||
ত্রিবিধং নরকস্য়েদং দ্বারং নাশনমাত্মনঃ |
কামঃ ক্রোধস্তথা লোভস্তস্মাদেতত্ত্রয়ং ত্য়জেত || 21 ||
এতৈর্বিমুক্তঃ কৌন্তেয় তমোদ্বারৈস্ত্রিভির্নরঃ |
আচরত্য়াত্মনঃ শ্রেয়স্ততো য়াতি পরাং গতিম || 22 ||
য়ঃ শাস্ত্রবিধিমুত্সৃজ্য় বর্ততে কামকারতঃ |
ন স সিদ্ধিমবাপ্নোতি ন সুখং ন পরাং গতিম || 23 ||
তস্মাচ্ছাস্ত্রং প্রমাণং তে কার্য়াকার্য়ব্য়বস্থিতৌ |
জ্ঞাত্বা শাস্ত্রবিধানোক্তং কর্ম কর্তুমিহার্হসি || 24 ||
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং য়োগশাস্ত্রে শ্রীকৃষ্ণার্জুনসংবাদে
দৈবাসুরসংপদ্বিভাগয়োগো নাম ষোডশোஉধ্য়ায়ঃ